విజయనగరం జిల్లా పాచిపెంట మండలం కొత్తవలసలో అదృశ్యమైన తల్లీబిడ్డలు మృతి చెందారు. 39 ఏళ్ల వరలక్ష్మి, ఆమె 8 సంవత్సరాల కుమారుడు హర్షవర్ధన్ ఈనెల 15న అదృశ్యం అయ్యారు. కుటుంబ సభ్యులు పోలీస్ స్టేషన్లో ఫిర్యాదు చేశారు. ఆచూకీ కోసం పత్రికల్లో ప్రకటన కూడా ఇచ్చారు.
ఈ క్రమంలో.. తెల్లవారుజామున పాచిపెంట పెద్దగెడ్డ రిజర్వాయర్లో హర్షవర్ధన్.. శవమై తేలాడు. అనంతరం తల్లి ఆచూకీ కోసం విస్త్రృతంగా గాలింపు చేపట్టగా.. ఆమె శవం లభించింది. ఈ కేసులో మరిన్ని వివరాలను సేకరిస్తున్నట్లు ఎస్ఐ ఫక్రుద్దీన్, సాలూరు సర్కిల్ ఇన్స్పెక్టర్ అప్పలనాయుడు.. తెలిపారు.
ఇదీ చదవండి: పీఎస్లో చోరీ... ప్రభుత్వ మద్యం దుకాణాల నగదు అపహరణ
