విజయనగరం జిల్లా పార్వతీపురం ఎమ్మెల్యే అలజంగి జోగారావుపై పట్టణ పోలీస్ స్టేషన్లో భాజపా నాయకులు ఫిర్యాదు చేశారు. భాజపా రాష్ట్ర ఉపాధ్యక్షులు పి వేణుగోపాలం జయరాజు, జిల్లా అధ్యక్షులు పి తిరుపతిరావు, నాయకులు డి. శ్రీనివాసరావు, పి. భారతి, ఎస్ .నాగేశ్వరరావు ఎస్సై కళాధర్న్ను కలిశారు.. ఫిర్యాదులో అంశాలను ఎస్ఐకి వివరించారు.
మున్సిపాలిటీ నాలుగో వార్డు కోనేరు గట్టుపై ఓ దాత ఇచ్చిన స్థలంలో వరసిద్ధి వినాయకుడు, ఆంజనేయ స్వామి విగ్రహం ఏర్పాటుకు స్థానికులు ఆర్ఎస్ఎస్ సభ్యులు సన్నాహాలు చేశారు. నిర్మాణ పనులను మున్సిపల్ అధికారులు గత కొద్ది రోజులుగా అడ్డుకుంటున్నారు. పత్రికలు వాట్సాప్లో వచ్చిన ఈ విషయంపై స్పందించి ద్వారపురెడ్డి శ్రీనివాసరావు మండప నిర్మాణ స్థలానికి చేరుకొని స్థానికులతో మాట్లాడారు. ఈ విషయంలో స్థానిక ఎమ్మెల్యే జోగారావు శ్రీనివాసరావుల మధ్య ఫోన్లో వాగ్వాదం జరిగింది. ఎమ్మెల్యే అసభ్యంగా మాట్లాడినట్లు..అతనిపై చర్యలు తీసుకోవాలని పోలీసులకు ఫిర్యాదు చేసినట్లు నాయకులు పేర్కొన్నారు.
ఇదీ చూడండి.పడవపై రోజూ 18కిలోమీటర్ల ప్రయాణం- ఎందుకంటే..
