భాజపా రాష్ట్ర అధ్యక్షుడు కన్నా లక్ష్మీనారాయణను విమర్శించే హక్కు వైకాపా ఎంపీ విజయసాయిరెడ్డికి లేదని విజయనగరం జిల్లా పార్వతీపురం నియోజకవర్గ భాజపా ఇంఛార్జీ సురగాల ఉమామహేశ్వరరావు అన్నారు. నిరాధార ఆరోపణలు చేస్తూ ఎంపీ దిగజారుడు రాజకీయాలకు పాల్పడుతున్నారని మండిపడ్డారు. దేశాభివృద్ధికి భాజపా అహర్నిశలు కృషి చేస్తూ.. ప్రజలు మన్ననలు అందుకుంటోందని తెలిపారు. భాజపా నాయకులకు స్వలాభం, బంధుప్రీతి లేదన్న విషయాన్ని ఎంపీ గ్రహించాలని సూచించారు. ఏ నాయకుని చరిత్ర ఏంటో ప్రజలకు తెలుసని ఉమామహేశ్వరరావు అభిప్రాయపడ్డారు.
ఇదీ చూడండి:
