విశాఖ జిల్లా ఆనందపురం మండలం గంభీరం పోలింగ్ కేంద్రంలో తోపులాట జరిగింది. ఓ వ్యక్తికి రెండు బ్యాలెట్ పత్రాలు ఇవ్వడంపై.. వైకాపా ఏజెంట్లు అభ్యంతరం తెలిపారు. ఈ ఘటనతో అధికార పార్టీ కార్యకర్తలు పోలింగ్ కేంద్రంలోకి దూసుకొచ్చారు. ఎన్నికల అధికారులతో వాగ్వాదానికి దిగారు. తెదేపా సానుభూతిపరుడికి 2 బ్యాలెట్ పత్రాలు ఎలా ఇస్తారని నిలదీశారు. ఈ ఘటనతో.. కొద్దిసేపు ఉద్రిక్త పరిస్థితులు నెలకొన్నాయి.
విషయం తెలుసుకున్న పోలీసులు హుటాహుటిన సంఘటన స్థలానికి చేరుకున్నారు. కొద్దిసేపు పోలింగ్ నిలిపివేసి ఆందోళనకారులను చెదరగొట్టారు. పోలీసులు దగ్గరుండి ఓటర్లను క్యూలైన్లలో పంపించి పోలింగ్ ప్రక్రియను ముందుకు నడిపించారు.
ఇదీ చదవండి:
