శిరోముండనం ఘటన..పీఎస్​ ఎదుట ఎస్సీ సంఘాల ఆందోళన

విశాఖ పెందుర్తిలో ఎస్సీ యువకుడు శ్రీకాంత్ శిరోముండనం కేసులో నిందితులను అరెస్ట్ చేయాలని పోలీస్ స్టేషన్ ఎదుట ఎస్సీ సంఘాలు నిరసన చేపట్టాయి. బాధితుడికి న్యాయం చేయాలని డిమాండ్ చేశాయి.

ఎస్సీ యువకుడు శ్రీకాంత్​కు నిర్మాత నూతన్ నాయుడు కుటుంబసభ్యులు, సిబ్బంది శిరోముండనం చేయించిన ఘటనపై పోలీసులు కేసు నమోదు చేశారు. ఈ క్రమంలో ఎస్సీ సంఘాల నాయకులు స్టేషన్ వద్ద ఆందోళన చేపట్టారు. ఎస్సీ నాయకుడు డాక్టర్ బూసి వెంకట్రావు మాట్లాడుతూ.. ఇటీవల కాలంలో ఎస్సీలపై ఇలాంటి దాడులు పెరిగిపోయాయన్నారు. మొన్న అమలాపురంలో, నేడు విశాఖలో శిరోముండనం ఘటనలు జరగడం దారుణమన్నారు. ఈ కేసులో నిందితులను కఠినంగా శిక్షించాలని.. బాధితులకు న్యాయం చేయాలని డిమాండ్ చేశారు.

ఇవీ చదవండి..