విశాఖ జిల్లా యలమంచిలి ప్రాంతానికి చెందిన అప్పారావు.. సినీ హీరో వెంకటేష్కి వీరాభిమాని. అతను కిడ్నీ సంబంధిత వ్యాధితో బాధపడుతున్నాడు. పేద కుటుంబానికి చెందిన అతనికి ఆరోగ్య సమస్య తోడై చాలా ఇబ్బందుల్లో ఉన్నాడు. సాటి అభిమాని సమస్యని అర్థం చేసుకున్న రాష్ట్ర వెంకటేష్ ఫ్యాన్స్ కరస్పాండెంట్ పి.చందు.. తనతో నిత్యం కాంటాక్ట్లో ఉన్న అభిమానుల సాయంతో 62,000/- రూపాయలతోపాటు నెలరోజులకి సరిపడే నిత్యావసర వస్తువులు, దుస్తులు, మందులు అందజేశారు.
అనకాపల్లి నూకాంబిక ఆలయంలో జరిగిన ఈ కార్యక్రమంలో అప్పారావు కుటుంబ సభ్యులు మాట్లాడుతూ ఇంత గొప్ప సాయాన్ని అందించిన అభిమానులందరికీ జీవితాంతం తమ కుటుంబం రుణపడి ఉంటుందన్నారు.
2019లో కర్నూల్లో చనిపోయిన ఇజ్రాయిల్ కుటుంబానికి 50,000 రూపాయాలు ఆల్ ఇండియా వెంకటేష్ ఫ్యాన్స్ ఆధ్వర్యంలో అందజేసామని.. మళ్ళీ ఇప్పుడు అప్పారావు కుటుంబానికి 62,000 రూపాయలు అందజేసామన్నారు. ఈ కార్యక్రమంలో గుంటూరు జిల్లా వెంకటేష్ అభిమానులు పెద్ద మొత్తంలో సేకరించి పంపి తమ సేవా నిరతిని చాటుకున్నారని... మిగతా ఏరియా అభిమానులు సైతం అద్భుతమైన స్పందనని అన్నారు. వారందరికీ ఈ సందర్భంగా పేరుపేరునా ధన్యవాదాలు తెలియజేస్తున్నానని అభిమానసంఘాల సమన్వయ కర్త చందు అన్నారు.
ఈ కార్యక్రమంలో ఆర్జి శంకర్, పిల్లి శ్రీను, విజయనగరం వాసు, రమేష్, గాజువాక శివకుమార్, రాంబాబు, శరత్, లాయర్ శ్రీను, సతీష్,సోమేశ్, రాము, శ్రీను, దాడి రవికుమార్ పాల్గొన్నారు.
