తెదేపా ఎమ్మెల్యే వెలగపూడికి బెయిల్..

ప్రధాని మోదీ, సీఎం జగన్‌ను దూషించారనే కేసులో తెదేపా ఎమ్మెల్యేను పోలీసులు అరెస్టు చేశారు. వెంటనే బెయిల్‌పై విడుదల చేశారు.

విశాఖ తూర్పు ఎమ్మెల్యే వెలగపూడి రామకృష్ణబాబు... మోదీ, జగన్‌ను ఉద్దేశించి అనుచిత వ్యాఖ్యలు చేశారంటూ వైకాపా నేతలు పోలీసులకు ఫిర్యాదు చేశారు. ఎన్నికల్లో గెలుపొందిన అనంతరం నిర్వహించిన విజయోత్సవ ర్యాలీలో వెలగపూడి ఆ వ్యాఖ్యలు చేశారనే ఆరోపణల నేపథ్యంలో... ఎంవీపీ కాలనీ పోలీసు స్టేషన్‌లో కేసు నమోదైంది. దీంతో ఆయన్ను అరెస్టు చేసిన పోలీసులు, వెంటనే బెయిల్‌పై విడుదల చేశారు.

ఇది కూడా చదవండి... పర్యావరణాన్ని కాపాడుదాం.. కాలుష్యాన్ని తరిమేద్దాం