విశాఖ జిల్లాలో ఈత సరదాతో నూతిలోకి దిగిన ఓ ఇంటర్ విద్యార్థి మృతి చెందాడు. మునగపాక మండలం గంగాదేవి పేటకు చెందిన కాండ్రేగుల గిరీష్ (17).. అనకాపల్లిలోని అమ్మమ్మ ఇంటికి వచ్చాడు. ఊళ్లోని స్నేహితులతో కలిసి సరదాగా ఈత కొట్టేందుకు నూతిలోకి దిగాడు. ఈత రాకపోవడంతో సదరు యువకుడు ప్రాణాలు కోల్పోయి విగతజీవిగా మారాడు.
చేతికందివచ్చిన బిడ్డ ఇలా అర్ధాంతరంగా తనువు చాలించడంతో తల్లిదండ్రులు శోకసంద్రంలో మునిగిపోయారు. నిర్జీవంగా పడి ఉన్న కుమారుడిని చూసి రోదించిన తీరు కలచివేసింది. గంగాదేవి పేటకు చెందిన జగన్నాథం, లక్ష్మీ లకు గిరీష్ ఒక్కగానొక్క కొడుకే గిరీష్. ఘటనపై కేసు నమోదు చేశామని అనకాపల్లి పట్టణ ఎస్సై రామకృష్ణ తెలిపారు.
ఇవీ చదవండి:
