రామ మందిర భూమి పూజకు అప్పన్న చందనం

అయోధ్య రామ మందిరం నిర్మాణానికి సెప్టెంబర్​ 5న తలపెట్టిన భూమి పూజకు విశాఖ జిల్లా సింహాచలం పుణ్యక్షేత్రంలోని సింహాద్రి అప్పన్న సన్నిధిలోని చందనం, మట్టిని పంపిస్తున్నారు. త్రేతాయుగం నాటి రామ రాజ్య పరిపాలన, ధర్మ పాలన మరలా పున: ప్రారంభం కావాలని కోరుతూ భారతదేశపు పురాతన ఆలయాల నుంచి మృత్తికను సమీకరించినట్లు విశ్వహిందూ పరిషత్ కార్యకర్తలు వెల్లడించారు.

అయోధ్యలో రామమందిర సంకల్ప నిర్మాణం ప్రారంభం అవుతున్న శుభ సందర్భంలో భారతదేశపు ప్రసిద్ధి గాంచిన పురాతన దేవాలయాల నుంచి "మృత్తిక "(మట్టి)ని సమీకరిస్తున్నారు. ఈ సందర్భంగా విశాఖ జిల్లా సింహాచలవాసుడైన సింహాద్రి అప్పన్న క్షేత్రం నుంచి చందనం, మట్టిని అయోధ్యకు పంపిస్తున్నారు. నాటి రామరాజ్య పరిపాలన, మరలా పున: ప్రారంభం కావాలని ప్రపంచ దేశాల ధర్మ పాలనకు ఇది నాంది కావాలని విశ్వహిందూ పరిషత్ సంకల్పంతో ఈ కార్యక్రమం రూపుదాల్చింది. కరోనా ప్రభావం ఉన్న ఈ తరుణంలో స్థానికంగా ఉన్నటువంటి ముఖ్య కార్యకర్తలతో ఈ కార్యక్రమాన్ని నిర్వహించారు.

ఇవీ చూడండి...