విశాఖ బీచ్ రోడ్డులో క్రీడా దినోత్సవ ఫ్లెక్సీ ఏర్పాటులో పొరపాటుపై జేసీ విచారణ జరిపారు. క్రీడా విభాగానికి చెందిన ఇద్దరు కోచ్‌లు ఫ్లెక్సీపై క్రీడాకారిణి పేరు తప్పుగా అచ్చు వేసినట్లు గుర్తించారు. వారివురికి జేసీ శివశంకర్‌ షోకాజ్ నోటీస్ జారీ చేశారు.
అసలు ఏం జరిగిందంటే
విశాఖ బీచ్ రోడ్డులో ప్రభుత్వం అధికారికంగా ఏర్పాటు చేసిన ఫ్లెక్సీ తప్పిదాలు నవ్వుల పాల్జేశాయి. టెన్నిస్‌ స్టార్‌ సానియా మీర్జా ఫొటో ముద్రించిన బ్యానర్‌పై మాజీ అథ్లెట్‌ పీటీ ఉష పేరు రాశారు. క్రీడా దినోత్సవం సందర్భంగా బీచ్ రోడ్డులో మంత్రి అవంతి శ్రీనివాస్‌ క్రీడా ర్యాలీ ప్రారంభించారు. ఈ ర్యాలీలో పాల్గొనేందుకు వచ్చిన క్రీడాకారులు ఈ ఫ్లెక్సీ చూసి విస్తుపోయారు. కనీసం నేటితరం క్రీడాకారుల పేర్లు కూడా తెలియదా? అంటూ బహిరంగంగానే చర్చించుకున్నారు. సోషల్ మీడియాలోనూ ఇది వైరల్గా మారింది.
ఇదీ చదవండి
