gavarapeta villegers :విశాఖ జిల్లా కశింకోట పరిధిలో.. గవరపేట నుంచి శారదానది అవతలి ఒడ్డుకు నిత్యం 200 మంది రాకపోకలు సాగిస్తుంటారు. సుమారు.. 12 వందల ఎకరాల పంట భూములు, పశువుల కళ్లాలు.. నదికి అవతలే ఉన్నాయి. అయితే.. ఈ ప్రవాహం దాటేందుకు తాటిచెట్లతో చేసిన దోనెలనే ఉపయోగిస్తున్నారు. రైతులంతా కలిసి ఈ తాటి దోనె నడిపేందుకు ఓ కుటుంబ౦తో ఒప్పందం చేసుకుని.. ఏటా డబ్బు చెల్లిస్తుండడం గమనార్హం.
రైతులతో పాటు పశువులనూ.. ఈ దోనె సాయంతోనే శారదానది దాటిస్తుంటారు. కాగా.. రైతుల అవస్థలు తొలగించేందుకు ఎట్టకేలకు వంతెన మంజూరైంది. దాని నిర్మాణానికి నదిలో కొన్ని పిల్లర్లు కూడా వేశారు. దీంతో.. ఇక కష్టాలు తొలిగినట్టేనని స్థానికులు ఆనందించారు.
కానీ.. ఆ తర్వాత నుంచి పనుల్లో జాప్యమవుతోంది. నిధుల కొరత వచ్చి పడడంతో.. ఎప్పుడు పూర్తువుతుందోనని రైతులు ఆవేదన వ్యక్తం చేస్తున్నారు. తాజాగా.. నదిలో వరద ప్రవాహం పెరగడంతో.. ఏ ప్రమాదం ముంచుకొస్తుందోనని భయంభయంగానే రాకపోకలు సాగిస్తున్నారు. ఇప్పటికైనా నేతలు స్పందించి, వంతెన నిర్మాణంపై దృష్టి సారించాలని కోరుతున్నారు.
ఇదీ చదవండి:
