రేపటి నుంచి రైళ్లు ప‌ట్టాలెక్క‌బోతున్నాయి
రెండు నెలల లాక్డౌన్ తర్వాత విశాఖలో రైలు కూత వినిపించనుంది. విశాఖ నుంచి రైలు నడిపేందుకు అధికారులు అనుమతి ఇచ్చారు. రిజర్వేషన్ చేసుకున్న వారిని మాత్రమే స్టేషన్లోకి అనుమతించనున్నారు. రైల్వే స్టేషన్ లోపలికి ప్రవేశించేవారు జ్ఞానాపురం మార్గాన్ని వినియోగించాలని అధికారులు వెల్లడించారు. స్టేషన్ నుంచి బయటకు వెళ్లే ప్రయాణికులు ప్రధాన ప్రవేశ ద్వారం నుంచి వెళ్లేలా చర్యలు చేపట్టారు. ప్రయాణికుల కోసం స్టేషన్లో ఒక థర్మల్ స్కాన్ యంత్రాన్ని ఏర్పాటుచేశారు.
నిబంధనలివీ..
- మాస్క్ ధరించి ఉండాలి.
- 90 నిముషాలు ముందే స్టేషన్కు చేరుకోవాలి.
- ఎలాంటి ఆహారం రైల్వే స్టేషన్లో అందుబాటులో ఉండదు.
- ప్రతి ప్రయాణికుడికి థర్మల్ పరీక్ష చేసిన తర్వాతే పంపుతారు.
- పదేళ్ల లోపు, 60 ఏళ్లు పైబడిన వారు ప్రయాణించేందుకు అనుమతి లేదు.
- ఆరోగ్య సేతు యాప్ డౌన్లోడ్ చేసుకుని ఉండాలి.
ఇదీ చూడండి:
