విశాఖ జిల్లా పాడేరులోని పలు ప్రాంతాలకు ఇప్పటికీ రహదారులు సరిగ్గా లేవు. మండలంలోని మోదాపల్లి పంచాయితీ గాలిపాడుకు చెందిన సీదరి రస్మో అనే గర్భిణీకి పురిటి నొప్పులు వచ్చాయి. 108 వాహనానికి సమాచారం అందించారు. రోడ్డు మార్గం సరిగ్గా లేకపోవడంతో మూడు కిలోమీటర్ల దూరంలో అంబులెన్స్ నిలిపివేశారు.
ఈ విపత్కర పరిస్థితిలో.. చేసేది లేక.. బంధువులు ఆమెను డోలీలో మోసుకుంటూ వెళ్లారు. కొండదారిలో రాళ్లు, రప్పలు దాటుకుంటూ.. అతి కష్టం మీద బాధితురాలిని 108వద్దకు చేర్చారు. రహదారి నిర్మాణం చేపట్టి తమ సమస్యను పరిష్కరించాలని ప్రజలు కోరుతున్నారు.
ఇదీ చదవండి:
