విశాఖ జిల్లా ఎలమంచిలి మున్సిపాలిటీ పరిధిలోని మర్రిబంధ గ్రామం వద్ద జాతీయ రహదారిపై రోడ్డు ప్రమాదం జరిగింది. గుంటూరు నుంచి విశాఖకు వస్తున్న కారు, లారీ ఢీకొనటంతో ప్రమాదం జరిగింది. ప్రమాదంలో ఒక మహిళ మృతి చెందగా మరో వ్యక్తికి తీవ్రంగా గాయాలయ్యాయి.
గుంటూరు నుంచి మర్రిబంధ గ్రామానికి కారులో ప్రయాణిస్తున్న తులసి అక్కడిక్కడే మృతిచెందగా.. కారు నడుపుతున్న శ్రీనివాసరావు గాయపడ్డాడు. ముందుగా వెళ్తున్న లారీని.. వేగంగా వెళ్తున్న కారు ఢీకొనటంతో ప్రమాదం జిరిగిందని పోలీసులు భావిస్తున్నారు. శ్రీనివాసరావును చికిత్స నిమిత్తం విశాఖ ఆసుపత్రికి తరలించారు. ఘటనపై కేసు నమోదు చేశారు.
ఇదీ చదవండి:
