ఇసుక కొరత నివారణకు అధికారుల ఏర్పాట్లు

ఇసుక కొరత నివారణకు విశాఖ జిల్లా అధికారులు ఏర్పాట్లు చేస్తున్నారు. రెవిన్యూ, పోలీస్, రవాణా, గనుల శాఖ సంయుక్తంగా ఇసుక డిపోలు ఏర్పాటు చేసి సరఫరా చేస్తున్నారు.

విశాఖ జిల్లాలో ఇసుక కొరత నివారణకు అధికారులు ఏర్పాట్లు చేశారు. ఉభయగోదావరి జిల్లాల నుంచి ఇసుక తీసుకొచ్చి ఈ-మర్రిపాలెం, ముడసలోవ వద్ద డిపోలలో నిల్వచేస్తున్నారు. గనుల శాఖ వెబ్​సైట్​లో ఇసుక బుక్ చేసుకున్న వినియోగదారుడు... మర్రిపాలెం డిపోలో రసీదు చూపిస్తే ఇసుక తీసుకెళ్లే ఏర్పాట్లు చేశారు. రోజుకు 5 నుంచి 6 వేల మెట్రిక్ టన్నుల ఇసుక సరఫరా అవుతోందని అధికారులు తెలిపారు. టన్నుకు రూ.1300 నుంచి రూ.1400 ఖర్చవుతోందని వివరించారు. రెవెన్యూ, పోలీస్, రవాణా, గనుల శాఖ సంయుక్తంగా ఇసుక డిపోలు నిర్వహిస్తున్నారు.

ఇదీచదవండి...'భయపడొద్దు.. మేమున్నాం' చింతమనేనికి లోకేశ్ భరోసా