చార్జింగ్​ దీపాల కాంతుల్లోనే.. 'మాంగల్యం తంతునానేనా!'

విశాఖ జిల్లా అనకాపల్లిలో గవరపాలెంలో.. చార్జింగ్​ దీపాల వెలుగుల్లోనే ఏడడుగులు వేసిందో జంట. కరోనా వైరస్​ వ్యాప్తి నివారణలో భాగంగా లాక్​డౌన్​ అమలులో ఉంది. దీనికి తోడు భారీ వర్షం కారణంగా విద్యుత్ సరఫరా నిలిచిపోవడం వల్ల చార్జింగ్​ లైట్ల వెలుతురులోనే వేడుక పూర్తి చేయాల్సి వచ్చింది.

పెళ్లంటే పందిళ్లు, ముగ్గులు, ముచ్చట్లు అనేది ఒకప్పటి మాట. కరోనాతో కల్యాణ కాంతి ఇప్పుడు ఎక్కడా కానరాకుండా పోయింది. అతికొద్ది మంది మధ్య నామమాత్రంగానే వేడుక కానిచ్చేస్తున్నారు. విశాఖ జిల్లా అనకాపల్లిలో జరిగిన ఈ పెళ్లిలో కనీసం విద్యుత్ కాంతులు కూడా లేవు. కరోనా వైరస్​ వ్యాప్తికి తోడు భారీ వర్షం కారణంగా విద్యుత్​ సరఫరా నిలిచిపోయింది. విధిలేని పరిస్థితుల్లో... చార్జింగ్​ దీపాల కాంతుల్లోనే ఏడడుగులు వేసిందా జంట. గవరపాలెంలోని నిదానం దొడ్డిలో వధువరులతో కలిసి తల్లిదండ్రులు మాస్కులు ధరించి చార్జింగ్ లైట్ల వెలుగుల్లోనే వివాహాన్ని పూర్తి చేశారు.

ఇవీ చూడండి: