ఆసియాలో అతిపెద్ద డీజిల్ లోకో షెడ్గా వాల్తేర్ లోకో షెడ్కి గుర్తింపు ఉంది. 150 లోకోలను మాత్రమే ఇక్కడ నిర్వహణ చేసే సామర్ధ్యం ఉన్నప్పటికి నిర్దేశించిన సమయం కంటే తక్కువ సమయంలోనే పూర్తి చేయడం గుర్తించిన రైల్వే బోర్డు ఈ షెడ్కి 310 లోకోలను కేటాయించింది. వాటిని భారతీయ రైల్వేలలో ఎక్కడా లేని విధంగా జాతీయ సగటు కంటే ఎక్కువ ఉత్పాదక సగటు 9.48 నమోదు చేయడం ద్వారా దేశంలోనే అగ్రగామిగా నిలుస్తోంది. సరకు రవాణా, కోచ్ సర్వీసుల లోకోలను ఈ లోక్ షెడ్ అత్యున్నత పురోగతి నమోదు చేస్తోంది. స్ధిరంగా ఎనిమిది శాతం ఉత్పాదకత కొనసాగిస్తోంది.
లోకోషెడ్కి ఐఎంఎస్ ధృవీకరణ, ఐఎస్వో ధృవీకరణలు, హరిత ధృవీకరణ ఈ లోకో షెడ్ పొందింది. 203 లోకోలను రిమోట్ మోనిటరింగ్ అండ్ మేనేజ్మెంట్ లోకోమోటివ్స్ అండ్ ట్రయిన్స్ విధానంలో నిరంతరం పర్యవేక్షిస్తుంది. దీనివల్ల లోకోలలో ఏర్పడే లోపాలను ముందుగానే సవరించి వాటి నిర్వహణ సామర్ధ్యం తగ్గకుండా చూడడంవంటివి ఇందులో ప్రత్యేకతలు. కొత్త లొకో లన్నింటికి ఈ విధానంతో అనుసంధానం చేశారు.
ఈ లోకో షెడ్లో గతేడాది 310కి పైగా లోకోలు సర్వీసింగ్ కోసం వచ్చి పూర్తి చేసుకున్నాయి. దేశంలో ఈ లోకోకి అనుబంధంగా ఉన్న ఇంజన్లు ఇక్కడకు వచ్చి మాత్రమే సర్వీసింగ్ చేయిస్తారు. అవి ఎక్కడ ఉన్నా ఇక్కడ షెడ్తో అనుసంధానం అయి ఉంటాయి. వాటికి సాంకేతిక సమస్యలు ఎదురైతే విశాఖ నుంచే వాటి స్ధాయిని బట్టి మరమ్మత్తులు ఏం చెయ్యాలన్నది చెబుతారు. ఈ షెడ్ పనితనాన్ని గుర్తించిన రైల్వే బోర్డు కొత్తగా 20 ఎలక్ట్రికల్ లోకోను కూడా దీనికి అనుసంధానించింది. దీనిద్వారా భవిష్యత్తులో ఎక్కువగా ఎలక్ట్రికల్ లోకోలే ఉండే అవకాశం దృష్ట్యా తన గతిని మార్చుకుని సత్తా చాటి చెబుతోంది.
ఇదీ చదవండి: మరోసారి 10 వేలకు పైనే కేసులు... 5,37,687కి చేరిన బాధితులు
