Janasena leader Murthy Yadav: విశాఖలో సీబీసీఎన్సీకి చెందిన క్రైస్తవ మైనార్టీ సంస్ధల ఆస్తులను కబ్జా చేసేందుకు విశాఖ ఎంపీ ఎంవీవీ సత్యనారాయణ ప్రయత్నిస్తున్నారని జనసేన కార్పొరేటర్ పీతల మూర్తి యాదవ్ ఆరోపించారు. ఇందుకోసం రూ.63 కోట్ల విలువైన టీడీఆర్లను ఎలా జారీ చేస్తారని ఆయన ప్రశ్నించారు. విశాఖ నగరం నడిబొడ్డున సిరిపురం జంక్షన్లో ఉన్న 75 సర్వే నెంబర్లో 3600 గజాల ప్రభుత్వ భూమి ఎలా మాయమైందని మండిపడ్డారు. ఇప్పటికే నగరంలో రుషికొండ సహా పలు ప్రభుత్వ భూములను వైసీపీ నేతలు వివిధ రూపాలలో కొట్టేస్తున్నారని.. ఇప్పుడు మైనార్టీ అస్తులను కాజేస్తున్నారని మూర్తి యాదవ్ ఆరోపించారు.
ఎంవీవీ ఎక్కడ నిర్మాణాలు చేసినా.. ప్రభుత్వ పోరంబోకు, కాలువలను కబ్జా చేయడం అలవాటుగా మారిందని విమర్శించారు. ఈ విషయాలన్నీ ముఖ్యమంత్రికి తెలియకుండా జరుగుతున్నాయా అని నిలదీశారు. న్యాయ వివాదాలున్నా.. ఏమీ లేవని విశాఖ మహా నగర పాలక సంస్ధ కమిషనర్కు వివరణ ఇచ్చేసి.. టీడీఆర్లు తీసుకున్నారన్నారు. ఈ పనులు చేయనందుకే.. గత కమిషనర్ను బదిలీ చేశారా అని ప్రశ్నించారు. దీనిపై తాము ప్రత్యక్ష పోరాటానికి సిద్దమవుతామని పీతల మూర్తి యాదవ్ స్పష్టం చేశారు.
ఇవీ చదవండి:
