మన్యంలో వర్షాలు.. రాకపోకలకు తప్పని ఇక్కట్లు

కుండపోతగా కురుస్తున్న వర్షాలకు విశాఖ మన్యంలోని పలు గ్రామాల ప్రజలు ఇబ్బందులు పడుతున్నారు. ముంచంగిపుట్టు మండలంలోని వాగులు వంకలు పొంగి పొర్లుతున్నాయి.

ఎడతెరిపి లేకుండా కురుస్తున్న వర్షాలకు విశాఖ మన్యంలోని మారుమూల గ్రామాల ప్రజలు తీవ్ర ఇబ్బందులు ఎదుర్కొంటున్నారు. కుండపోత వర్షాలకు పదుల సంఖ్యలో గ్రామాలు జలదిగ్బంధంలో చిక్కుకున్నాయి. ముంచంగిపుట్టు మండలంలోని కర్లాపోదర్‌, బిరిగుడ, కొసంపుట్టు, దొరగుడ సమీపాల్లో మత్స్యగెడ్డ పాయలు పొంగిపొర్లుతున్నాయి. మండల కేంద్రం నుంచి రూడకోట మార్గంలో గల పెద్దపుట్టు వద్దనున్న వంతెన దాటేందుకు.. ద్విచక్రవాహన చోదకులు పడుతున్న పాట్లు మన్యంలో పరిస్థితులకు అద్దం పడుతున్నాయి.