విశాఖ జిల్లా మాడుగుల నియోజకవర్గంలో నదులు, వాగులు పొంగిపొర్లుతున్నాయి. ఎగువ ప్రాంతాల్లో కురుస్తున్న వర్షాలకు దిగువకు భారీగా వరద నీరు చేరుతోంది. ఎగువన పరివాహక ప్రాంతాల్లో కురుస్తున్న వర్షాలకు మాడుగుల, చీడికాడ, దేవరాపల్లి మండలాల్లోని నదులు, గెడ్డలు వరదనీటితో నిండుగా ప్రవహిస్తున్నాయి.
కోనాం జలాశయం..
చీడికాడ మండలంలోని కోనాం జలాశయం గేట్లు ఎత్తి వరదనీటిని దిగువకు విడుదల చేస్తున్నారు. ఫలితంగా బొడ్డేరు నది జలాశయం నుంచి విడుదలైన నీరు, గెడ్డల నుంచి వచ్చే నీటికి తోడు కావడం వల్ల నది ఉద్ధృతంగా పొంగుతోంది.
పెద్దేరు ప్రాజెక్ట్..
మాడుగుల మండలం పెద్దేరు జలాశయం నుంచి వరద నీరు విడుదల చేయడంతో దిగువ పెద్దేరు నది వరద నీటితో జోరుగా ప్రవహిస్తోంది.
రైవాడ డ్యాం..
దేవరాపల్లి మండలం రైవాడ జలాశయం నుంచి వరద నీటి విడుదలతో దిగువన శారదా నదిలో వరద నీరు భారీగా పొంగుతోంది. వరదనీటి పరవళ్లును సందర్శకులు ఆసక్తిగా తిలకిస్తున్నారు.
