రాష్ట్రంలో జిమ్లను ఉపాధి కేంద్రాలుగా తీర్చిదిద్దుకున్న బాక్సర్లకు ఇప్పుడు కరోనా కష్టాలు చుట్టుముట్టాయి. లాక్డౌన్ కాలంలో నాలుగు నెలలుగా తుప్పుపట్టిన దశకు పరికరాలు చేరుకోవడం.. ఏం చేయాలో దిక్కు తోచని పరిస్థితిలో కన్నీటిపర్యంతం అవుతున్నారు. విశాఖ పారిశ్రామిక ప్రాంతం గాజువాకలో పెద్ద సంఖ్యలో జిమ్లను ఉపాధి మార్గాలుగా ఎంచుకొని, లక్షల రూపాయలు బ్యాంకు రుణాలు తీసుకుని అధునాత జిమ్ పరికరాలు అద్దె ప్రాంగణాల్లో ఏర్పాటు చేసుకున్నారు.
లాక్డౌన్ దగ్గర నుంచి వీరికి ఉపాధి కరువైపోవడం వల్ల అద్దెలు కట్టలేక, సామగ్రిని అమ్ముకోవాల్సిన పరిస్దితి దాపురించిందని అవేదన వ్యక్తం చేస్తున్నారు. తమ వెతలను తెలియజెప్పేందుకు పలు కూడళ్లలో ప్రదర్శనలు నిర్వహిస్తున్నారు. ప్రభుత్వం కనికరించి పరిమితులతో జిమ్లను తెరిచేందుకు అనుమతి ఇవ్వాలని కొరుతున్నారు. ఇతరులకు అందించిన రీతిలో తమకు కూడా రాష్ట్ర ప్రభుత్వం ఆర్ధిక సాయం చేయాలని విజ్ఞప్తి చేస్తున్నారు.
ఇవీ చూడండి...
