ఏవోబీలో ఇకనుంచి శని,ఆదివారాలు అన్నీ బంద్

కరోనా మహమ్మారి వ్యాప్తిచెందకుండా ప్రభుత్వాలు పటిష్ట చర్యలు తీసుకుంటున్నాయి. ప్రధానంగా జనసమూహం ఉండే ప్రాంతాల్లో సంచారం తగ్గించేలా ఏర్పాట్లు చేస్తున్నారు. ఏవోబీలో ఒడిశా ప్రభుత్వం ఈ నెల అంతా శని, ఆదివారాల్లో సంపూర్ణ లాక్​డౌన్ విధిస్తూ అధికారులు నిర్ణయం తీసుకున్నారు.

కరోనా వైరస్ వ్యాప్తిని నివారించటానికి ఒడిశా ప్రభుత్వం చర్యలు ముమ్మరం చేసింది. ఏవోబీలోని కోరాపుట్ జిల్లాలో నెల రోజులు పాటు వారాంతం శని, ఆదివారాల్లో సంపూర్ణంగా లాక్​డౌన్ విధించారు. సరిహద్దులోని ఓనకడిల్లి, మాచ్​ఖండ్, జోలాపుట్ గ్రామాల్లో దుకాణాలు మూతపడ్డాయి. కేవలం అత్యవసర సేవలు తప్ప మిగిలినవన్నీ మూసేశారు. కరోనా వ్యాప్తి నిర్మూలనకు జులై నెల మొత్తం ఇదే పద్ధతి పాటించనున్నట్లు అధికారులు తెలిపారు.

ఇదీ చూడండి