ఇసుక తవ్వి ఎడ్ల బండ్లతో తరలించి జీవనోపాధి పొందుతున్న కూలీలకు ప్రత్యేక అనుమతులు ఇవ్వాలని మాజీ మంత్రి, తెదేపా సీనియర్ నాయకులు చింతకాయల అయ్యన్నపాత్రుడు విజ్ఞప్తి చేశారు. ఈ మేరకు విశాఖ జిల్లా నర్సీపట్నం సబ్కలెక్టర్కు రైతుల తరఫున వినతిపత్రం అందజేశారు. అయితే ఇటీవల కాలంలో ఎడ్ల బండ్ల యజమానులను ఇసుక సేకరిస్తున్నారన్న కారణంతో వేధింపులకు గురి చేస్తున్నారని ఆయన పేర్కొన్నారు.
1989లో అప్పటి అధికారులు ఎడ్లబండిపై ఇసుక తవ్వకాలకు ప్రత్యేక అనుమతులు ఇచ్చారని... ఆ నేపథ్యంలోనే కొంతమంది రైతులు జీవనం సాగిస్తున్నారని విన్నవించారు. ఇందుకు సంబంధించి గతంలో అధికారులు రూపొందించిన దస్త్రాలను పరిశీలించాలని ఈ సందర్భంగా సబ్ కలెక్టర్కు సూచించారు. డివిజన్ పరిధిలో సుమారు 200 నుంచి 300 మంది వరకు ఈ తరహా ఉపాధి పొందుతున్నారని వివరించారు. ఈ అంశంపై త్వరలోనే నిర్ణయం తీసుకుని వాళ్లకు న్యాయం చేయాలని కోరారు.
ఇదీ చూడండి:
