ప్రభుత్వ మద్యం దుకాణం నుంచి బెల్టుషాపులకు మద్యం చేరవేత
విశాఖజిల్లా గోపాలపట్నం ఇందిరానగర్లో ఉన్న ప్రభుత్వ మద్యం దుకాణంలో సిబ్బంది కొన్నిరోజులుగా చేతి వాటం చూపిస్తున్నారు. దుకాణం మూసేశాక రాత్రిపూట మద్యం బాటిళ్లను బెల్టుషాపులకు తరలిస్తున్నారు. గత కొన్నిరోజులనుంచే ఇలానే చేస్తున్నారు. సిబ్బంది రోజూ అలా వెళ్లడం గమనించిన స్థానికులు.. మద్యం చేరవేస్తుండగా పట్టుకుని ఎక్సైజ్ అధికారులకు సమాచారం అందించారు.
అధికారుల నిర్లక్ష్యం వల్లే.. ఇలా బ్లాకులో అమ్ముకుంటూ సొమ్ము చేసుకుంటున్నారని.. స్థానికులు ఆగ్రహాం వ్యక్తం చేశారు. సీసీ కెమెరాలున్నా.. యజమానికి తెలియకుండానే ఇలా జరుగుతుందా అనే కోణంలో అధికారులు వివరాలు సేకరిస్తున్నారు.
ఇదీ చూడండి. చిత్రంలో విచిత్రం: వైకాపా నేతల ఫ్లెక్సీలో 'ఎన్టీఆర్ అభివాదం'
