దివ్య హత్య కేసులో మరోసారి దర్యాప్తు

విశాఖలో సంచలనం సృష్టించిన దివ్య హత్య కేసును పోలీసులు మరోసారి దర్యాప్తు చేస్తున్నారు. ఇందులో భాగంగా రిమాండ్​లో ఉన్న దివ్య భర్త వీరబాబు, బాబాయ్ కృష్ణలను తిరిగి కస్టడీలోకి తీసుకుని నాల్గో పట్టణ పోలీసులు విచారించారు.

విశాఖ అక్కయ్యపాలెంలో ఈ నెల 3న జరిగిన దారుణ హత్య రోజుకో మలుపు తిరిగింది. ఈ కేసులో అనేక కోణాలు వెలుగుచూస్తున్నాయి. ఈ క్రమంలో పోలీసులు మరోమారు దర్యాప్తు చేపట్టారు. ఇందులో భాగంగా రిమాండ్​లో ఉన్న దివ్య భర్త వీరబాబు, బాబాయ్ కృష్ణలను తిరిగి కస్టడీలోకి తీసుకుని విచారించారు. అనైతిక వ్యాపారంలో దివ్యకు వచ్చిన నగదు వీరి మధ్య బదిలీ జరగడంతో మరోమారు వీరిని విచారించినట్లు తెలుస్తోంది. ఈ నెల 3వ తేదీన దివ్య హత్యకు గురయ్యింది. ఇప్పటివరకు ఈ కేసులో 8 మందిని అరెస్ట్ చేసి రిమాండ్​కు తరలించారు పోలీసులు.

ఇదీ చదవండి: రష్యాలో ఘనంగా విక్టరీ పరేడ్​.. రాజ్​నాథ్​ హాజరు