'ఓటర్లను ప్రభావితం చేస్తే కఠిన చర్యలు తప్పవు'

విశాఖ జిల్లాలో ప్రశాంత ఓటింగ్​కు సహకరించాలని ప్రజలను విశాఖ రేంజ్ డీఐజీ రంగారావు కోరారు. ప్రతిఒక్కరు తమ ఓటు హక్కును వినియోగించుకోవాలని పిలుపునిచ్చారు.ఓటర్లను మద్యం, నగదు వంటివాటితో ఎరవేసే ప్రయత్నాలు చేస్తే చర్యలు తప్పవని హెచ్చరించారు.

ప్రశాంత పోలింగ్​కు అందరు సహకరించాలని... అదే క్రమంలో స్వేచ్ఛగా నిర్భయంగా తమ ఓటు హక్కును వినియోగించుకోవాలని విశాఖ రేంజ్ డీఐజీ రంగారావు పిలుపునిచ్చారు. స్థానిక సంస్థల ఎన్నికల నేపథ్యంలో విశాఖ జిల్లా నర్సీపట్నం పోలీస్ సబ్ డివిజన్​లోని కొయ్యూర, నర్సీపట్నం మండలాల్లో ఓటర్లతో నిర్వహించిన ప్రత్యేక సమావేశంలో ప్రసంగించారు.

ఎన్నికల నియమావళిని ఉల్లంఘించినా, పోలింగ్​కు విఘాతం కలిగిన చర్యలు తీసుకుంటామని రంగారావు హెచ్చరించారు. ఓటర్లను మద్యం, నగదు వంటివాటితో ఎరవేసే ప్రయత్నాలు చేస్తే చర్యలు తప్పవన్నారు. ఈ కార్యక్రమాల్లో జిల్లా రూరల్ ఎస్పీ కృష్ణారావు, నర్సీపట్నం ఏఎస్పీ సింహ తదితరులు పాల్గొన్నారు.

ఇదీ చదవండి: విశాఖ స్టీల్ ప్లాంట్‌లో అగ్నిప్రమాదం!