విశాఖ తూర్పునౌకాదళానికి అత్యాధునిక వాహనం

అప్పుడప్పుడు ప్రమాదవశాత్తు సముద్రంలో కొంతమంది చిక్కుకుంటారు. మరి కొన్నిసార్లు యుద్ధనౌకలపై వెళ్లే వారు వాతావరణం అనుకూలించక మునిగిపోతుంటారు. అలాంటి పరిస్థితుల్లో వారిని కాపాడేందుకు నౌకాదళ సిబ్బంది విశ్వప్రయత్నాలు చేస్తుంటారు. ఈ సమస్యల నుంచి బయటపడటానికి విశాఖ తూర్పు నౌకాదళం ఒక అత్యాధునికి వాహనాన్ని సమకూర్చుకుంది.

విశాఖలోని తూర్పు నౌకాదళానికి మరో అదనపు సదుపాయం తోడైంది. సముద్ర లోతుల్లో చిక్కుకున్న వారిని రక్షించేందుకు ఒక ప్రత్యేక వాహనం సమకూరింది. దీనివల్ల హిందూ మహాసముద్ర ప్రాంతంలో ప్రమాదం ఎదురై సముద్రపు లోతుల్లో ఎవరైనా చిక్కుకుంటే వారిని రక్షించేందుకు వీలుంటుందని అధికారులు తెలిపారు. ప్రపంచంలో మొత్తం 40 దేశాలకు మాత్రమే ఈ తరహా వాహనం అందుబాటులో ఉన్నట్లు పేర్కొన్నారు.

డీప్‌ సబ్‌మెర్జెన్స్‌ రెస్క్యూ వెహికల్‌ (డీఎస్‌ఆర్వీ)’గా వ్యవహరించే ఈ వాహనం పాడైపోయిన జలాంతర్గామి, అందులోని సిబ్బందిని కాపాడేందుకు సహాయ పడుతుందని అధికారులు వివరించారు. ఈ వెహికల్​ని వైస్ అడ్మిరల్ ఏకేజైన్ ప్రారంభించారు. సైడ్ స్కాన్ సోనార్ ద్వారా ఈ వాహనాన్ని సముద్రపు లోతుల్లో ఆపరేట్ చేసే అవకాశం ఉన్నట్లు ఆయన తెలిపారు. భారత్​కి పశ్చిమతీరంలో ఒకటి, తూర్పుతీరంలో ఒకటి ఈ రకమైన వెహికల్స్​ని నౌకాదళం సమకూర్చుకుందని పేర్కొన్నారు.

ఇదీ చూడండి..