విశాఖ జిల్లా మాడుగుల నియోజకవర్గంలో కరోనా కేసులు క్రమంగా పెరుగుతున్నాయి. తాజాగా మాడుగుల, కె.కోటపాడు, దేవరాపల్లి మండలాల్లోని 8 కరోనా కేసులు నమోదయ్యాయి. మాడుగుల మండల కేంద్రం దేవరాపల్లి గ్రామ సచివాలయం సిబ్బందిలో ఒకరికి కరోనా సోకింది. సదరు వ్యక్తి విశాఖలో విధులు నిర్వహిస్తున్నాడు. ఇదే గ్రామానికి చెందిన ఇద్దరు వృద్ధులకు కరోనా పాజిటివ్గా తేలింది.
కె.కోటపాడు మండలంలోని ఆనందపురం, లంకవానిపాలెం గ్రామాల్లో నాలుగు పాజిటివ్ కేసులు నమోదయ్యాయి. మాడుగుల మండలం ఘాటీరోడ్డు కూడలిలో ఓ కిరాణా దుకాణం యజమానికి కరోనాగా నిర్ధారణయ్యింది. మొత్తం మూడు మండలాల్లో 8 కరోనా పాజిటివ్ కేసులు నమోదయ్యాయి. కేసుల నేపథ్యంలో.. పారిశుద్ధ్య సిబ్బంది నివారణ చర్యలు చేపట్టారు. బ్లీచింగ్, హైపోక్లోరైడ్ ద్రావణాన్ని పిచికారీ చేశారు.
ఇదీ చదవండి:
