విశాఖ జిల్లా పాడేరు మండలంలో కరోనా కేసులు రోజురోజుకూ పెరుగుతున్నాయి. ఇప్పటికే 364 వరకు కేసులు నమోదయ్యాయి. గడచిన ఒక్క రోజే 120 మందికి కరోనా నిర్ధారణ పరీక్షలు చేయగా 40 మందికి పాజిటివ్ వచ్చింది. మన్యంలో మారుమూల ప్రాంతాల్లో పరీక్షలు చేయలేదు. మరోవైపు.. గిరిజన ప్రాంతంలో కరోనా చాపకింద నీరులా ప్రవహిస్తే కట్టడి చేయడం అసాధ్యం అవుతుందని ఆందోళన చెందుతున్నారు.
పాడేరు కేంద్రంలో 205 మంది వరకు చికిత్స పొందుతున్నారు. మన్యంలో 55 వరకు కంటైన్మెంట్ జోన్లుగా ప్రకటించారు. ఆస్పత్రి నుంచి 159 మంది వరకు డిశ్చార్జ్ అయ్యారు. ఇప్పటివరకు ఇద్దరూ కరోనా బారిన పడి మృత్యువాత పడ్డారు. కరోనా వ్యాప్తి చెందకుండా వ్యాపారులు స్వచ్ఛందంగా వారం పాటు పాడేరు, అరకు లోయ, హుకుంపేట, పెదబయలులో లాక్డౌన్ ప్రకటించుకున్నారు.
ఇవీ చదవండి:
