విశాఖ జిల్లా గోపాలపట్నంలో గ్యాస్ లీకేజీతో అక్కడ నుంచి కొందరు గిరిజనులు ఘాట్ మార్గం నుంచి ఏజెన్సీ ప్రాంతాలకు తరలివస్తున్నారు. అప్రమత్తమైన పోలీసులు వాలంటీర్లకు హెచ్చరికలు జారీ చేశారు. విశాఖపట్నంలో చాలా ప్రాంతాలు రెడ్ జోన్లో ఉండడం వల్ల.. గ్యాస్ లీకేజీతో వారి స్వగ్రామాలకు వెళ్తున్నారు. వీరిని గుర్తించి ముందస్తుగా వారికి పరీక్షలు నిర్వహించాలని సూచించారు. అనుమానం ఉంటే వెంటనే క్వారెంటైన్కు తరలించాలని పాడేరు ఎస్ఐ శ్రీనివాస్ ఆదేశించారు. రెవెన్యూ, గ్రామ సచివాలయ సిబ్బంది, వాలంటీర్లు ఆయా గ్రామాల్లోకి వచ్చేవారిని పరిశీలించాలని సూచించారు.
ఇవీ చదవండి: మద్యం కొంటే వేలికి సిరా వేయించుకోవాల్సిందే!
