విశాఖ మన్యం పాడేరు ఆర్టీసీ కాంప్లెక్స్ కూడలి వద్ద ఇందిరా గాంధీ విగ్రహానికి అయోధ్య రామ మందిర నిర్మాణ బ్యానర్ను తాళ్ళతో కట్టటం కలకలం రేపింది. ఈ ఘటనపై డివిజనల్ యూత్ కాంగ్రెస్ అధ్యక్షులు అసహనం వ్యక్తం చేశారు. తొలి భారత మహిళ ప్రధానిగా దేశానికి సేవలందించిన ఇందిరాగాంధీ విగ్రహానికి అవమానకరంగా తాళ్లతో బంధించడాన్ని తప్పబట్టారు. సంఘటనపై చరవాణిలో భాజపా నాయకులకు సమాచారం అందించారు. అయితే తాము కట్టలేదని.. ఆర్ఎస్ఎస్ వారు కట్టి ఉంటారని సమాధానం ఇచ్చారన్నారు. ఎవరు చేసినప్పటికీ ఓ మాజీ ప్రధాని ఇలా తాళ్లతో కట్టడం హేయమైన చర్య అని మందలించారు.
ఇవీ చూడండి...
