సీఐటీయూ డిమాండ్స్​ డే

కరోనా మహమ్మారిని అరికట్టేందుకు అహర్నిశలు ముందుండి పని చేస్తున్న వైద్య, సిబ్బందికి రాష్ట్ర, కేంద్ర ప్రభుత్వాలు ప్రోత్సాహకాలను అందించలేదని సీఐటీయూ ఆవేదన వ్యక్తం చేసింది. విశాఖ సీపీఎం కార్యాలయంలో సీఐటీయు డిమాండ్స్ డే నిరసన నిర్వహించారు.

వైద్య, నర్సింగ్ సిబ్బందిని ఈ ప్రభుత్వాలు పట్టించుకోవడంలేదని, రెండు నెలలుగా వారు అందిస్తున్న సేవలు త్యాగనీయమైనవని సీఐటీయూ రాష్ట్ర అధ్యక్షుడు నర్సింగ్ రావు అన్నారు. కరోనాతో పోరాడుతున్న వైద్య ఉద్యోగులు, పారామెడికల్ సిబ్బందికి ప్రభుత్వాలు కంటితుడుపుగా సన్మానాలు, పూలమాలలతో సరి పెడుతున్నాయని, ఈ సందర్భంగా వారికి ఆర్థిక ప్రోత్సాహకాలు అందించాలని నర్సింగరావు డిమాండ్ చేశారు. ఈ కార్యక్రమంలో సీపీఎం విశాఖ నగర ప్రధాన కార్యదర్శి గంగారం, నగర నాయకుడు కుమార్ తదితరులు పాల్గొన్నారు.

ఇవీ చూడండి...