కుంచంగిలో విషాదం.. కన్నతండ్రి ఎదుటే కుమారుడు మృతి

అనకాపల్లి మండలం కుంచంగి గ్రామంలో విషాదం నెలకొంది. కన్నతండ్రి ఎదుటే కుమారుడు మృతి చెందడం స్థానికులను కలచివేసింది. ఊహించని ఈ ఘటనతో మృతుని కుటుంబ సభ్యులు కన్నీరు మున్నీరుగా విలపిస్తున్నారు.

విశాఖపట్నం జిల్లా అనకాపల్లి మండలం కుంచంగి గ్రామానికి చెందిన అప్పారావు లైన్​మెన్​గా పని చేస్తున్నారు. విధుల్లో భాగంగా రంగంవానిపాలెంలోని ఎర్రినాయుడు చెరువు వద్దకు కుమారుడు అశోక్​తో కలిసి వెళ్లాడు. విద్యుత్ నియంత్రికకు మరమ్మతులు చేస్తుండగా... ప్రమాదవశాత్తు అశోక్ కుడికాలికి విద్యుత్ తీగ తగిలి అక్కడికక్కడే మృతి చెందాడు. కళ్ల ముందే కుమారుడు మృతి చెందటంతో కుటుంబ సభ్యులు రోదిస్తున్న తీరు పలువురిని కన్నీరు పెట్టించింది. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.

ఇదీచదవండి.