విశాఖ పట్నం జిల్లాలోని భీముని పట్న సముద్ర తీరం మత్య్సకారులతో కళకళలాడుతోంది. వేట నిషేధకాలం ముగియడంతో మత్స్యకారులు చేపల వేట ప్రారంభించారు. తోటవీధి, ఎగువపేట, బోయివీధి ప్రాంతాల్లో సుమారు వంద ఇంజన్ బోట్లు, 3 చొప్పున వేటకు వెళ్లే నలభై తెరచాప బోట్లు ఉన్నాయి.
ఇక్కడ విశేషమేమిటంటే...జట్టికే పరిమితమైన చేపల వేలం పాట, భీమీలికి కూడా విస్తరించింది. లాక్డౌన్ కారణంగా ఏ ప్రాంత మత్స్యకారులు ఆ ప్రాంతంలోనే ఉండడంతో, ఇంజన్ బోట్ల ద్వారా వలలకు చిక్కిన చేపలను వేలం వేస్తున్నారు. ఇలా చేపల వేలం ద్వారా వచ్చే ఆదాయంతో కొంతమంది జీవనం సాగిస్తున్నారు. ఒక్కో ఇంజన్లో సుమారు 5 నుంచి 6 మంది మత్స్యకారులు తెల్లవారుజామున 3 గంటల ప్రాంతంలో వెళ్లి 8గంటలకు ఒడ్డుకు చేరుతారు. ఈ విధంగా జట్టీలకే పరిమితమైన చేపల వేలం పాట ఇప్పుడు భీమిలిలో కూడా నిర్వహిస్తుండడంతో భోజన ప్రియులు ఆనందం వ్యక్తం చేస్తున్నారు.
ఇవీ చూడండి:నేటి ప్రధానవార్తలు
