విశాఖ బీచ్ రోడ్ నోవాటెల్ కూడలి వద్ద రాళ్ల లోడుతో వెళ్తున్న లారీ బోల్తా పడింది. నోవాటెల్ దిగువ రోడ్డుకు వెళ్తుండగా అదుపుతప్పి డివైడర్ని ఢీకొనడంతో రోడ్డుకు అడ్డంగా బోల్తా పడింది. అదే సమయంలో అక్కడ మార్నింగ్ వాక్ చేస్తున్న వారు ప్రమాదాన్ని గమనించి తప్పించుకున్నారు. ఈ ప్రమాదంలో లారీ డ్రైవర్ తీవ్రంగా గాయపడ్డాడు. ట్రాఫిక్ పోలీసులు ఘటనాస్థలికి చేరుకొని.. క్షతగాత్రున్ని ఆసుపత్రికి తరలించారు. ఈ కూడలిలో ఇదే తరహా లారీ ప్రమాదాలు గతంలో కూడా జరిగి జరిగి ఒకే కుటుంబంలోని వారు ప్రాణాలు కోల్పొయారు.
ఈ కూడలిలో ప్రమాదాలు నివారించేందుకు పోలీసులు ఎన్ని చర్యలు చేపట్టినా ఫలితం లేదు. ఈ ప్రమాదం సాయంత్రం వేళ జరిగితే ప్రమాద తీవత్ర ఎక్కువగా ఉండేదని పాదచారులు ఆందోళన వ్యక్తం చేస్తున్నారు.
ఇదీ చదవండీ.. వైద్యానికి వెళ్తుండగా రోడ్డు ప్రమాదం.. ఇద్దరు మృతి
