త్వరలోనే షూటింగులు.. సీఎం అంగీకారం: చిరంజీవి

ఏడాది కాలంగా సీఎం జగన్‌ను కలవాలని అనుకున్నామని చిరంజీవి చెప్పారు. ముఖ్యమంత్రిని ఇవాళ కలిసి తమ సంతోషాన్ని తెలియజేశామన్నారు. 2019-20 నంది పురస్కారాల ప్రదానానికి సీఎం నిర్ణయించారని చెప్పారు. సినీపరిశ్రమ అభివృద్ధికి సహకరించినందుకు జగన్‌కు కృతజ్ఞతలు తెలిపామని అన్నారు. త్వరలోనే సినిమాల చిత్రీకరణకు సీఎం అంగీకరించినట్టు చెప్పారు. తాము అడిగిన అన్ని విషయాలకూ సీఎం సానుకూలంగా స్పందించినట్టు సంతోషం వ్యక్తం చేశారు. విశాఖలో సినీ పరిశ్రమ అభివృద్ధికి చర్యలు తీసుకుంటానని సీఎం చెప్పినట్టు తెలిపారు. టికెట్ల విధానంలో పారదర్శకతకు చర్యలు తీసుకుంటానని చెప్పారన్నారు.