TTD : తిరుమల శ్రీవారి భక్తులకు మరింత మెరుగైన సేవలను అందించేందుకు టీటీడీ సిద్ధమైంది. సులభమైన సేవలను అందించేందుకు తిరుమల తిరుపతి దేవస్థానం యాప్ను అందుబాటులోకి తీసుకువచ్చింది. రిలయన్స్ సంస్థ రూపొందించిన ఈ యాప్ను.. టీటీడీ ఛైర్మన్ సుబ్బారెడ్డి అన్నమయ్య భవనంలో ప్రారంభించారు. ఈ యాప్ ద్వారా తిరుమలలో నిర్వహించే ప్రతి కార్యక్రమం ప్రత్యక్షప్రసారం అవుతుందని తెలిపారు. భక్తులు నేరుగా ఈ యాప్లో తిలకించవచ్చని అన్నారు.
ఎస్వీబీసీ భక్తి ఛానల్లో ప్రసారమయ్యే కార్యక్రమాలను సైతం ఇందులో అందుబాటులో ఉంటాయన్నారు. అంతేకాకుండా ఇదే యాప్ను ఉపయోగించి.. భక్తులు దర్శన టికెట్లను, గదులను, ఆర్జిత సేవా టికెట్లను పొందవచ్చని తెలిపారు. వర్చువల్ సేవలను కూడా ఈ యాప్లో బుక్ చేసుకోవచ్చని వివరించారు. శ్రీవారి ఆలయంలో స్వామివారికి జరిగే ప్రతి కార్యక్రమం.. గ్యాలరీలోని యాప్లో అందుబాటులో ఉంటాయని పేర్కొన్నారు. తిరుమల చరిత్ర కూడా ఈ గ్యాలరీలో ఉందని ఆయన వెల్లడించారు.
"శ్రీవారి భక్తులకు మెరుగైన సేవలను అందించటానికి ప్రయోగాత్మకంగా 'టీటీదేవస్థానమ్స్' అనే యాప్ను అందుబాటులోకి తీసుకువచ్చాము. భక్తులు తిరుపతికి రావాలన్న.. ఏయే సేవలు అందుబాటులో ఉన్నాయో తెలుసుకోవాలన్న యాప్లో ఉంటాయి. శ్రీవారి సేవ కార్యక్రమాలలో పాల్గొనాలన్న దానికి సంబంధించిన సమాచారం ఇందులో అందుబాటులో ఉంటుంది." -టీటీడీ ఛైర్మన్ వైవీ సుబ్బారెడ్డి
టీటీడీ ఛైర్మన్ వైవీ సుబ్బారెడ్డి
ఇవీ చదవండి :
