తిరుపతిలో నీట మునిగిన ప్రాంతాలు - వాగులో చిక్కుకున్న యువకులను కాపాడిన అధికారులు

Michaung cyclone in tirupati: తుపాను ప్రభావంతో తిరుపతి జిల్లాలో పరిస్థితులు తీవ్రంగా మారాయి. నగరంలోని చాలా ప్రాంతాలు ముంపునకు గురయ్యాయి. ప్రధాన ప్రాంతాల్లో రహదారులు నీట మునిగాయి. లోతట్టు ప్రాంతాల్లో పరిస్థితి ఆందోళనకరంగా ఉంది. రాత్రి నుంచి కురుస్తున్న వానలకు వస్తున్న నీటితో కాలనీలు జలదిగ్బంధంలోకి వెళ్లిపోయాయి. బండారుపల్లిలో వాగులో చిక్కుకున్న యువకులను అధికారులు ఈ ఉదయం కాపాడారు.

Michaung cyclone in tirupati srikalahasti : ఏర్పేడు మండలం బండారుపల్లిలో వాగులో చిక్కుకున్న యువకులను సురక్షితంగా బయటకు తీసుకొచ్చామని అధికారులు తెలిపారు. తుపాను ప్రభావంతో తిరుపతి జిల్లా శ్రీకాళహస్తి నియోజకవర్గం అతలాకుతలంగా మారింది. పెద్ద ఎత్తున వరద నీరు ఏర్పేడు లోకి చేరడంతో మోకాల్లోతు నీటిలో స్థానికులు తీవ్ర ఇబ్బందులు ఎదుర్కొన్నారు. బండారుపల్లికి చెందిన శివ, వెంకటేష్ సోమవారం వ్యవసాయ పనుల కోసం పొలాల వద్దకు వెళ్లి సున్నపు వాగులో చిక్కుకున్నారు. ఈ రోజు ఉదయం శ్రీకాళహస్తి అగ్నిమాపక సిబ్బంది, పోలీసులు సంఘటనా స్థలాన్ని చేరుకుని యువకులను సురక్షితంగా ఒడ్డుకు చేర్చారు. జంగాలపల్లి కలజు తెగిపోవడంతో చెరువు నీరంతా వృధాగా బయటకు వెళ్లాయి. శ్రీకాళహస్తి, పాపారాయుడుపేట, గుడిమల్లం, పిచ్చాటూరు, వెంకటగిరి రహదారులపై వరద ప్రవాహం పెరిగిపోవడంతో వాహన రాకపోకలు స్తంభించాయి. వరద ప్రభావంతో శ్రీకాళహస్తిలో ప్రజలు తీవ్ర అవస్థలు. ఎదుర్కొంటున్నారు.

సురక్షితం

Michaung cyclone in tirupati 2023 : తుపాను ప్రభావం తిరుపతి జిల్లాలో తీవ్రంగా ఉంది. నగరంలో చాలా ప్రాంతాలు ముంపునకు గురయ్యాయి. ప్రధాన ప్రాంతాల్లో రహదారులు నీటమునిగాయి. లోతట్టు ప్రాంతాల్లో పరిస్థితి ఆందోళనకరంగా ఉంది. రాత్రి నుంచి కురుస్తున్న వానలకు వస్తున్న నీటితో కాలనీలు జలదిగ్బంధంలోకి వెళ్లిపోయాయి. రాత్రి నుంచి జాగారం చేస్తున్నామని ఎన్నిసార్లు ఫోన్‌చేసినా అధికారుల నుంచి కనీస స్పందన లేదని స్థానికులు వాపోతున్నారు. ప్రతి సంవత్సరం ఇదే పరిస్థితి తలెత్తుతోందని ఆవేదన వ్యక్తంచేశారు.

వాగులో చిక్కుకున్నవారిని కాపాడిన అధికారులు

cyclone affected districts in AP : గత రెండు రోజులుగా ఎడతెరిపి లేకుండా కురుస్తున్న వర్షాలకు కోస్తాంధ్ర జిల్లాల ప్రజలకు తీవ్ర నిరాశ ఎదురైంది. ప్రతీ ఏడాది వారికి ఈ తిప్పలు తప్పడం లేదని వాపోతున్నారు. తుఫాన్ ప్రభావంతో తిరుపతి జిల్లా వ్యాప్తంగా నిన్న రాత్రి నుంచి ఇవాళ ఉదయం వరకు విస్తారంగా భారీ వర్షాలు కురుస్తూనే ఉన్నాయి. శ్రీకాళహస్తి, తదితర గ్రామాల్లో కురిసిన భారీ వర్షానికి నగరంలోని రోడ్లన్నీ చెరువులను తలపిస్తున్నాయి. ప్రజలు తీవ్ర ఇబ్బందులు ఎదుర్కొంటున్నారు.

వరద ​ఉద్ధృతికి పొంగుతున్న వాగులు