Kangana: తిరుమల శ్రీవారిని బాలీవుడ్ నటి కంగనా రనౌత్ దర్శించుకున్నారు. ఉదయం వీఐపీ ప్రారంభ దర్శన సమయంలో స్వామి వారిని దర్శించుకున్నారు. దర్శనం అనంతరం ఆమెకు తితిదే అధికారులు స్వామివారి తీర్థప్రసాదాలు అందించారు. తన లేటెస్ట్ మూవీ "ధాకడ్" విజయవంతం కావాలని స్వామి వారిని కోరుకున్నట్లు కంగనా తెలిపారు. కంగనా నటించిన "ధాకడ్" సినిమా ఈ నెల 20న ప్రేక్షకుల ముందుకు రానుంది.
నిన్న శ్రీవారి హుండీ ఆదాయం రూ.3.95 కోట్లు : తిరుమలలో నిన్న శ్రీవారిని 81,720 మంది భక్తులు దర్శించుకున్నారు. వీరిలో 34,266 మంది భక్తులు శ్రీవారికి తలనీలాలు సమర్పించారు. స్వామివారి సర్వదర్శనానికి 6 గంటల సమయం పడుతోందని అధికారులు తెలిపారు. స్వామి వారి సర్వదర్శనానికి 17 కంపార్టుమెంట్లలో భక్తులు వేచి ఉన్నారు.
ఇవీ చదవండి:
