A car being on fire in AP: సాఫీగా సాగిపోయే ప్రయాణంలో ఒక్కసారిగా అలజడి రేగింది. గమ్యస్థానానికి చేరుకోకముందే కారు దగ్ధమైంది. కారులో ప్రయాణిస్తున్న వారికి ఎలాంటి అపాయం జరగకపోయినప్పటికీ.. ఈ ఘటన స్థానికంగా కలకలం రేపింది. తిరుపతి నగర శివార్లలోని తిరుచానూరు పైవంతెన మీద కారు దగ్ధమయ్యింది. శ్రీకాళహస్తి నుంచి చంద్రగిరికి వెళుతున్న కారులో ఒక్కసారిగా మంటలు చెలరేగాయి. కారులో పొగలు వ్యాపించడంతో కారును పక్కన ఆపి కిందకు దిగాడు. కొద్దిసేపటి తర్వాత కారులో మంటలు చెలరేగి కారు దగ్ధమైంది.
పైవంతెన మీద కారు తగలబడుతుందన్న సమాచారం తెలుసుకున్న అగ్నిమాపక సిబ్బంది ఘటనా ప్రదేశానికి చేరుకుని మంటలను అదుపుచేశారు. ప్రమాదంలో ఎలాంటి ప్రాణనష్టం జరగలేదని పోలీసులు తెలిపారు. ప్రమాదానికి గల కారణాలు తెలియాల్సి ఉంది. కారులో సాంకేతిక లోపం కారణంగానే మంటలు వ్యాప్తి చెందినట్లు అధికారులు భావిస్తున్నారు.
ఇవీ చదవండి:
