శ్రీకాకుళం జిల్లా శాసనాం గ్రామ సమీపంలో జాతీయ రహదారిపై రోడ్డు ప్రమాదం జరిగింది. ఈ ఘటనలో ఒడిశాకు చెందిన ఇద్దరు వ్యక్తులు తీవ్రంగా గాయపడ్డారు. చేపల లోడుతో వెళ్తున్న బొలేరో వాహనం, రహదారి పక్కన నిలిచి ఉన్న లారీని వెనుక నుంచి ఢీకొనడంతో ప్రమాదం జరిగింది. వాహనం ముందు భాగం నుజ్జునుజ్జైంది. డ్రైవర్ బైరి గోపాలకృష్ణ రెడ్డి, మరో యువకుడు సుభాష్కు ముఖం, కాళ్లు, చేతులపై తీవ్ర గాయాలయ్యాయి.
టెక్కలి సీఐ, ఎస్సై సంఘటన స్థలానికి చేరుకుని క్షతగాత్రులను ఆస్పత్రికి తరలించారు. పరిస్థితి ప్రమాదకరంగా ఉండటంతో ప్రాథమిక వైద్యం అనంతరం జిల్లా ప్రభుత్వాసుపత్రికి తరలించారు.
ఇదీ చదవండి: రోడ్డు ప్రమాదంలో ఒకరి మృతి.. మరొకరికి తీవ్ర గాయాలు..
