శ్రీకాకుళం జిల్లా కంచిలి మండలం పద్మతుల గ్రామంలో తినుబండారాలు తయారు చేసే చిన్న పరిశ్రమలో ఘోరప్రమాదం చోటు చేసుకుంది. విద్యుదాఘాతంతో ఇద్దరు మహిళలు అక్కడికక్కడే మృతి చెందారు. పరిశ్రమ యజమానురాలు కప్ప హేమలతతో పాటు, పిరియా రజనీ అనే మహిళ.. ఈ ప్రమాదంలో మృతి చెందారు.
మృతురాలు హేమలతకు భర్త వెంకటరావుతో పాటు ఒకటో తరగతి చదువుతున్న బాబు, ఐదేళ్ల పాప ఉన్నారు. ఇదిలా ఉండగా.. రజనీకి ఆరో తరగతి చదువుతున్న కుమారుడు సాయితో పాటు మూడో తరగతి చదువుతున్న సాత్విక్ ఉన్నారు. ఈ ఘటనతో ఇరు కుటుంబాలకు చెందిన నలుగురు చిన్నారులు తల్లులు లేని పిల్లలయ్యారు. ఈ ఘటనతో గ్రామంలో ఒక్కసారిగా విషాదఛాయలు అలుముకున్నాయి. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.
ఇదీ చదవండి:
