Theft in Shiva temple: ఎవరైనా గుట్టు చప్పుడు కాకుండా దొంగతనం చేస్తారు కానీ ఇప్పుడు చెప్పబోయే దొంగలు మాత్రం దొంగతనానికి వచ్చి బెల్ కొట్టారు. ఆ తర్వాత అక్కడున్న వారు.. వీళ్లను పట్టుకొని చితకబాదారు. అసలు విషయంలోకి వెళ్తే.. శ్రీకాకుళం రూరల్ మండలం మామిడి వలస గ్రామంలో ఉన్న శివాలయంలో చోరీకి ఇద్దరు దొంగలు వచ్చారు. కంగారులో ఉన్న దొంగలు.. ఆలయంలో ఉన్న లైట్లు ఆపేద్దామనుకొని.. కంగారులో గంటలు మోగే స్విచ్ నొక్కారు. ఇంకేముంది అది పెద్ద శబ్దం రావడంతో.. అక్కడే నిద్రిస్తున్న కొందరు విద్యార్థులు లేచి పట్టుకోవడానికి యత్నించగా ఒకరు పారిపోగా.. మరొకరు పట్టుబడ్డారు. పట్టుబడ్డవాడిని విద్యుత్ స్తంభానికి కట్టి చితకబాదారు. ఆ తర్వాత పోలీసులకు అప్పగించారు. రెండు నెలల క్రితం కూడా ఈ శివాలయంలో దుండగులు హుండీని కాజేశారని గ్రామస్థులు తెలిపారు.
శివాలయంలో దొంగతనానికి యత్నించిన దుండగుడు
ఇవీ చదవండి:
