క్వారంటైన్ కేంద్రం ఏర్పాటుపై గ్రామస్థుల ఆందోళన

ఇతర రాష్ట్రాలు, జిల్లాల్లో చిక్కుకున్న వలస కార్మికులను ప్రభుత్వం స్వగ్రామాలకు తరలిస్తోంది. కరోనా వైరస్ తీవ్రత ఎక్కువగా ఉన్న ప్రాంతాల నుంచి వచ్చిన వలసదారులకు... వారి స్వగ్రామాల్లో క్వారంటైన్ కేంద్రాలు ఏర్పాటు చేయడంపై స్థానికులు అభ్యంతరం తెలుపుతున్నారు.

శ్రీకాకుళం జిల్లా లావేరు మండలంలోని మురపాక, పి.బి.నగర్ కాలనీ, చిన్న మురపాక గ్రామాల్లో ఉన్న పాఠశాలలు, వసతి గృహాలను పునరావాస కేంద్రాలుగా ఎంపిక చేయడంపై ఆయా గ్రామాల ప్రజలు ఆందోళన వ్యక్తం చేశారు.

చిన్న మురపాక వసతి గృహాన్ని పరిశీలించడానికి వెళ్లిన తహసీల్దార్ ప్రసాద్, రెవెన్యూ అధికారులను గ్రామస్థులు అడ్డుకున్నారు. పునరావాస కేంద్రం ఏర్పాటు చేయడం ద్వారా ప్రజలకు ఎలాంటి ఇబ్బంది ఉండదని తహసీల్దార్ ప్రసాద్ వివరించారు. ప్రజలు భయాందోళన చెందాల్సిన అవసరం లేదని తెలిపారు.

ఇదీచదవండి.