'తెలంగాణలో జరిగిన చిన్నారి అత్యాచారానికి నిరసనగా ర్యాలీ'

తెలంగాణలోని హన్మకొండలో జరిగిన చిన్నారిపై అత్యాచారం సంఘటనకు నిరసనగా ఆముదాలవలసలో ర్యాలీ చేపట్టారు. నిందితుడిని కఠినంగా శిక్షించి... ఇలాంటివి మళ్లీ పునరావృతం కాకుండా ప్రభుత్వాలు కఠినమైన చర్యలు తీసుకోవాలని ర్యాలీలో పాల్గొన్న వారు డిమాండ్ చేశారు.

తెలంగాణలోని వరంగల్ జిల్లాలో తొమ్మిది నెలల చిన్నారిపై జరిగిన అత్యాచార ఘటనకు నిరసనగా శ్రీకాకుళం జిల్లా ఆముదాలవలసలో ర్యాలీ చేపట్టారు. ఊసావానిపేట యూత్ ఆధ్వర్యంలో నిర్వహించిన ఈ ర్యాలీలో ఆమదాలవలస ప్రభుత్వ, ప్రైవేట్ కళాశాల విద్యార్థులు పాల్గొని నిరసన తెలియజేశారు. ఇలాంటి ఘటనలు మళ్లీ జరగకుండా కేంద్ర, రాష్ట్ర ప్రభుత్వాలు కఠిన చర్యలు చేపట్టాలని డిమాండ్ చేశారు.