శ్రీకాకుళం జిల్లా ఇచ్ఛాపురంలో పోలీసులు.. ప్రజలకు అండగా ఉంటున్నారు. మునిసిపాలిటి పరిధిలో ఇబ్బందులు ఎదుర్కొంటున్న వాహనదారుల సమస్యలను తీర్చుతున్నారు. ధ్వంసమైన రహదారులకు తాత్కాలికంగా మరమ్మతులు చేసే సామాజిక బాధ్యతను తమ భుజాలకు ఎత్తుకున్నారు. ఇచ్ఛాపురం సీఐ ఎం వినోద్, ఎస్ఐ సత్యనారాయణ ఆధ్వర్యంలో రహదారుల మరమ్మతుల కార్యక్రమాలు ప్రారంభించారు.
రత్తకన్న రహదారి - రైల్వే లెవెల్ క్రాసింగ్ వద్ద బాగా పాడైన మార్గాన్ని తమ సిబ్బందితో కలిసి మరమ్మతు చేశారు. రాళ్లు, గ్రావెల్, ఇతర సామగ్రి వినియోగించారు. ప్రమాదకరంగా ఉన్న గుంతలను పూడ్చారు. బాహుదా వంతెన నుంచి పురుషోత్తపురం గ్రామం వరకు మరమ్మతు చేశారు. పోలీసుల సేవలను ప్రజలు కొనియాడుతున్నారు.
ఇదీ చూడండి:
