సీదిలో ఇద్దరి మధ్య ఘర్షణ..ఒకరు మృతి

సీది గ్రామంలో శుక్రవారం జరిగిన ఘర్షణలో చలపతిరావు (29) అనే వ్యక్తి మృతి చెందాడు. ఘటనపై పాతపట్నం పోలీసులు కేసు నమోదు చేశారు.

శ్రీకాకుళం జిల్లా పాతపట్నం మండలం సీది గ్రామంలో జరిగిన ఘర్షణలో ఓ వ్యక్తి మృతి చెందాడు. మృతి చెందిన వ్యక్తి బోను చలపతిరావు(29) అని స్థానికులు తెలిపారు. అతని సమీపంలో ఉంటున్న కనకల రామారావుతో శుక్రవారం ఘర్షణకు దిగాడు. ఆ సందర్భంలో రామారావు పక్కనున్న ఇనుప రాడ్డుతో చలపతి తలపై కొట్టాడని స్థానికులు తెలిపారు. బాధితుడిని పాతపట్నం సామాజిక ఆసుపత్రికి తరలించగా వైద్యుల పరీక్షించి చనిపోయినట్లు నిర్ధారించారు. ఘటనపై పాతపట్నం పోలీసులు కేసు నమోదు చేశారు.

ఇదీ చదవండి :