Pawan Kalyan Yuvashakti programme: జనసేన చేపట్టిన యువశక్తి కార్యక్రమానికి శ్రీకాకుళం జిల్లా రణస్థలం సిద్ధమైంది. రాష్ట్ర నలుమూలల నుంచి యువత తరలివస్తుండటంతో... ఎవరికీ ఎలాంటి ఇబ్బంది కలగకుండా.. ఆ పార్టీ నాయకులు ఏర్పాట్లు పూర్తిచేశారు. రాష్ట్రంలో.., ఎన్నడూ లేనంతగా యువశక్తి నిర్వీర్యమవుతున్న దుస్థితి.., ముఖ్యంగా ఉత్తరాంధ్ర జిల్లాల్లో నెలకొన్న పరిస్థితిపై.. జనసేన అధినేత పవన్ కల్యాణ్‌.. మాట్లాడనున్నారు. మధ్యాహ్నం 12 గంటలకు యువశక్తి కార్యక్రమం ప్రారంభం కానుండగా... తొలుత 100 మంది యువతీయువకుల సమస్యలు, సూచనలను బహిరంగసభ ద్వారా వినిపించనున్నారు. ప్రభుత్వ నిరంకుశత్వ వైఖరిపై ప్రశ్నిస్తున్న యువతపై తప్పుడు కేసులు పెడుతున్నారన్న జనసేన నాయకులు.. అలాంటివారికి యువశక్తి సభ వేదికగా.. పవన్ కల్యాణ్‌ భరోసా ఇవ్వనున్నారని తెలిపారు.
యువశక్తి కార్యక్రమంలో పెద్ద సంఖ్యలో యువత పాల్గొని.. విజయవంతం చేయాలని పిలుపునిచ్చారు. యువశక్తి కార్యక్రమంలో పాల్గొనేందుకు.. జనసేన అధినేత పవన్‌కల్యాణ్‌ బుధవారం రాత్రి విజయనగరం జిల్లా భోగాపురం సన్‌రైజ్‌ రిసార్ట్స్‌కు చేరుకున్నారు. స్థానిక జనసేన నాయకులు, అభిమానులు.. ఆయనకు ఘనస్వాగతం పలికారు. రాత్రికి అక్కడే బస చేసిన ఆయన.. ఉదయం బయల్దేరి రణస్థలంలోని సభాస్థలానికి చేరుకోనున్నారు.
ఇవీ చదవండి:
