అనగనగా ఓ ఊరు. ఆ ఊరులో ఓ ప్రభుత్వ ప్రాథమికోన్నత పాఠశాల ఉంది. పాఠశాల అన్నాక విద్యార్దులు, ఉపాధ్యాయులుంటారు..ఆ స్కూల్లో 33 విద్యార్దులు ఉంటే, ఉపాధ్యాయులు ..కాదు, ఒకే ఒక టీచర్ ఉంది. ఇలా ఒక టీచర్, 33 విద్యార్దులతో కాలం సాఫీగా సాగిపోతుండగా , ఒక రోజు ఆ టీచర్ కు పని పడింది. విధులకు సెలవు పెట్టింది. దీంతో పాఠశాలకు సెలవు వచ్చింది. కొన్ని రోజుల తరువాత ఆ ఉపాధ్యాయురాలికి జ్వరం వచ్చింది. మళ్లి స్కూల్ కి సెలవు. ఇలా..పదే పదే జరుగుతుండటంతో ఆ గ్రామస్థులకు చిరాకు వచ్చింది. వెంటనే విషయాన్ని పెద్దొళ్ల దృష్టికి తీసుకెళ్లారు. సదరు ఉన్నతాధికార్లు చూద్దాం లే..అన్నారు. కాలం గడుస్తున్న కొద్ది పరిస్థిలో మార్పు రాకపోవడంతో గ్రామస్ధుల్లో అసహనం పెరిగిపోయింది. సమస్యను తామే పరిష్కరించుకుంటామని , ఆ గ్రామంలో టీచర్ ట్రైనింగ్ తీసుకున్న యువతిని వాలంటీర్ గా పెట్టుకున్నారు. సదరు టీచర్ రాని రోజు ఈ వాలంటీరే పిల్లలకు పాఠాలు చెబుతోంది.
ఇది, శ్రీకాకుళం జిల్లా ఆమదాలవలస మండలం పాత నిమ్మతొర్లాడ గ్రామంలోని ప్రభుత్వ ప్రాథమిక పాఠశాల పరిస్థితి. ఇప్పటికైన ఉన్నతాధికార్లు స్పందించి పాఠశాలకు కావల్సిన సిబ్బందిని భర్తీ చేయాలని గ్రామస్థులు కోరుతున్నారు.
ఇదీ చూడండి:
