'రాజకీయ కార్యకలాపాల్లో ఉద్యోగులు పాలుపంచుకుంటున్నారు'

రాజకీయ కార్యకలాపాల్లో ఉద్యోగులు పాలుపంచుకుంటున్నారని తెదేపా నేత కూన రవికుమార్ ఆరోపించారు. పొందూరు, బూర్జ ఎంపీడీవోలు బాధ్యతారహితంగా వ్యవహరిస్తున్నారని మండిపడ్డారు. ఈ తీరుకు వ్యతిరేకంగా ఉద్యోగులు ఉద్యమించాలని పిలుపునిచ్చారు.

రాజకీయ కార్యకలాపాల్లో ఉద్యోగులు పాలు పంచుకుంటున్నారని తెదేపా నేత కూన రవికుమార్ ఆరోపించారు. శ్రీకాకుళం జిల్లా తెదేపా కార్యాలయంలో నిర్వహించిన మీడియా సమావేశం కూన రవికుమార్ మాట్లాడారు. ఇటీవల నిర్వహించిన వైకాపా పాదయాత్రలో ఉద్యోగులు పాల్గొన్నారని ఆధారాలతో సహా బహిర్గతం చేశామన్నారు.

పొందూరు, బూర్జ ఎంపీడీవోలు బాధ్యతారహితంగా పాలుపంచుకోవాలని సిబ్బందిని ప్రోత్సాహించేలా అదేశాలు జారీ చేశారన్నారు. కనీసం జిల్లా పరిపాలన అధికారికి ఫిర్యాదు చేసినా ఫలితం శూన్యమేనన్నారు. రాజకీయ కార్యకలాపాల్లో పాల్గొనడాన్ని ఉద్యోగ సంఘాలు వ్యతిరేకించాలని కూన రవికుమార్ పిలుపునిచ్చారు.

ఇదీ చదవండి: